TRE PASSI,SOLU TRE PASSI...
tre passi,solu tre passi...
e po dui, e dui dino...
sopre à la morte un si po
d'una lumera cuntinta si;
onde è ventu è terra appesa
francatu ai u barccaghju
a to fede si hè accesa à
tre passi, solu tre passi;
marchji fratellu, curaghju!
curaghjju chi marchji frate.
tre passi solu trè passi!
strappatu ai e catene
miglior tempu un po chè bene ;
tre passi solu tre passi
e quali hè chi sà, una cria
d'angoscia è po sbuccia
nantu à u branco chi sa da more
u rusulaghju di l'amore
tre passi, solu tre passi!
mi chi balli o frate .
tre passi , solu trè passi,
dopu tamantu viaghju
ci ne vole sempre curaghju;
tre passi, solu tre passi
di zitellu urfanellu
chi prova di mente è di core
trave sciolte è un po corre
tre passi, solu tre passi;
ampara à marchja fratellu!
fratellu ampara à marchja.
tre passi, solu trè passi...
e po unu è dino unu
mani tesi impetti è nisunu
ti aghjutessi chi tu passi
incu frizione senza spampellu
di u cante di e sulane,
eccu a to stella cu e so cullane;
tre passi, solu trè passi
ampara a marchja fratellu !
fratellu ampara à marchja.
unu dui è tre passi...
u primu par pudè campà
un antru par fà ci campà
o cumpà, sai ancu canta!
un passu par pude ballà
tre passi par l'Eternita
dui altri pa a virita
un passu par l'umanità
un passu, un passu , è liberta
è passi ne l'immensità.
alain casimiri.
publié dans RIGIRU .Rivista di Litteratura Corsa
.
|